Nipiy ké isi nahicikáték ta minawsik ta ápatak piko ita ité itáwinik

Misiwé itáwinik óma kistan nipiy. Óma ká nanahitániwak ta minawsik nipiy ta ápatak náspic kisci paminiténitákon éko ákwakitéw. Éko ki nácipayánánik okik óma ká isi nakacitácik éko anihi ápacitáwina máwaci ta isi wétak ki tatoskéwinináni é ati ápataki.Anikik kakinaw máwaci kékwána ká minawpataki óma oci ká natawénicikátéki ki tayánaw, wina inikok ta níkáni pakitinikoyan óma ta nahipanik kititáwinik oci.

Móna nántaw kiyam piko ité ké ayáyan wéká ké itapiyan, H2O Innovation kika mino maminonénitamihikon tanto kísikáw éko móna nántaw ta isi nisiwanácicikémakan. Kawisk kinowés kikakí pakoséniminán ta mino wícéwákanimiták

Ékwanik oki nínanán éténitamák ta minopaniki:

• Kiki misiwé ká paminikáték nipiy ta minawsik
• Kiki misiwé ká wínákamik nipiy ta paminikáték
• Tánisi kékí isi mino paminikáték éko kéko pimitisayikéwina ké ápataki

Nínanán ká isi asotamáták éko ké isi itocikániwak kécinahona anihi:

• Ta nahisítamákawiyan éko éka wésa mistahi ta tipayaman
• Ta minawkamik nipiy ayíw itowa éka wésa mistahi ká síkinikátéki picipowinápoya
• Móna kékwán macápoy wéka ká wínákamik nipiy
• Éki oski ápatak óma isi itótamowin
• Néyáp kítwám kika kiwépitaw ana inikok kákí méstinikéyan sóniyáw
• Ká máwaci wétaki anihi ta ápataki éko éka wésa mistahi éko kinowés ta otamiyan éko ta méstinikéyan óma ta paminaman anima
• Éko tápitaw ta itácik okik óma ká isi nákacitácik
• Kawisk ta isi kinawápamitocik ókik óma ká isi atoskátakik éko ta mino kinawénimicik ókik itáwinik ká isi pimacihocik éko kékwána ká isi nócitácik
• Kiskinawámákéwi wícihiwéwin taki mino ápataki ispík ki itotakawki ókik ká nakacitacik ta isi minawkamininik nipíniw